Koshish...

==========================================
Naakamiyon se humko ab na koi sarokaar hai

Mehrumiyon ka ab to zikr bhi bekaar hai

Ashkon ne saare daagh zamaane ke dho diye

jo baaki hai wo ek hasrat-e-anwaar hai

jabeen ko sajdon se ab koi gila nahi raha

teri parastish pe ab dil ko bhi aitbaar hai

Mai bimar-e-rahat hun is dasht-e-sehra mein

darmiyaan tishnagi-o-taskeen ke ek gard ki deewaar hai

 

Falak chhuna hai to dhoop mein jhulasna bhi hoga

Bulandi ki ye shart nakaabil-e-taqraar hai

==========================================