Sukoon-e-dil ke liye, raahat-e-jigar ke liye
Tera khayal hi kaafi hai umr bhar ke liye.
Junoon-e-shauq ne pahoncha diya kahan mujhko,
Jahan tarasti hun mai, apni hi khabar ke liye.
Labon pe dum, zabaan khushk, toot-ti saasein,
chala hai kaarwan ab aakhri safar ke liye.
Ilahi sabr ki bhi inteha to hog kabhi,
kinara sadiyon se hai muntazar lehar ke liye...

Koshish...

==========================================
Naakamiyon se humko ab na koi sarokaar hai

Mehrumiyon ka ab to zikr bhi bekaar hai

Ashkon ne saare daagh zamaane ke dho diye

jo baaki hai wo ek hasrat-e-anwaar hai

jabeen ko sajdon se ab koi gila nahi raha

teri parastish pe ab dil ko bhi aitbaar hai

Mai bimar-e-rahat hun is dasht-e-sehra mein

darmiyaan tishnagi-o-taskeen ke ek gard ki deewaar hai

 

Falak chhuna hai to dhoop mein jhulasna bhi hoga

Bulandi ki ye shart nakaabil-e-taqraar hai

==========================================